آپات
(بو قوشغی یوسف‌بردی‌نینگ تورکمن آيدیم‌لاری
کتابیندا کمینه شاهیرینگ آدینا یازیلیپ‌دیر)
قارا گـؤزلی قـالام قاشلی پریزاد
آیـدا بیلمن بیرجه سؤزوم بار سانگا
عشقینگدا کؤیوپ من داد بیلن بیداد
ایکی چشميم بیر گؤرمأگه زار سانگا
شـکسته مـن زولوپ‌لرینگه باغلاما
خنجر آلیپ یوِرِک بــاغریم داغلاما
میخمانینگ من ایشیگینگ‌دن قاولاما
گـرِک دأل‌می نامیس بیلن عار سانگا
دال گردندن طیللا هیکل داقماسانگ
همای‌گؤزونگ سؤزوپ قاشینگ قاقماسانگ
یوز مونگ سُخن دیسم بأری باقماسانگ
نِه‌ننگ ادیپ یــارا نایئن یار سانگا!
سـایئلی دییر سـندن ایسته‌دیم وفا
وفـا ایستأپ گلديم سن بردینگ جفا
عشـقینگدا خستایام سن برگیل شفا
شـفا ایستأپ قالدیم من بیمار سانگا!
