کچ‌پله‌ک سازی بیلن هم آیدیارلار بو قوشغی ایراندا چاپ بولان شو کتابدا یوق مختومقلی‌نینگ کامل دیوانی چاپ پنجم 1388 هـ .ش- مراددردی قاضی.
————————————————-
1747-نجی میلادی ییلدا احمد شاه دُررانی آوغانستاندا اؤز باشداق دولت قوریار تورکمن‌لری هم آغزی بیرلیگه چاغیریار. تورکمن‌لردن چاودیرخان اوتوزا قولای آدام بیلن احمد شانینگ حضورینا گیتیأر امّا یولدا قاراقچی‌لار بولارینگ بیر نأچه سینی اهلاک اتیأر بیر نأچه‌سینی هم یسیر ادیپ توتیار شولارینگ آراسیندا مختومقلی فراغی‌نینگ دوغان‌لاری عبدالله و محمّد صفا هم بولوپ‌دیر. سورگین بولان‌لارینگ آراسیندا محمدصفا بولوپ‌دیر.
سن گیده‌نینگ دوقوز ییل‌دیر اؤته‌نینگ
قـایدا واطان توتدینگ قارداش عبدالله؟
دولانمــازمی انسانیت‌نگ گیــده‌نی
قایدا واطان تـوتدینگ قارداش عبدالله؟
داغا عـارضیم آیدیپ توتدیم خبرینگ
لال بــولوپ‌دیر دیـلی دیمز آزارینگ
آتا- انه‌سیز، نِدیـر سنینگ قارارینگ
قـایدا واطان توتدینگ قارداش عبدالله؟
قــورقی پـیداسی یوق گیده جک جانا
عــمر آخــر بــولوپ دولدی پــیمانا
یادا- سن دؤشدینگمی دؤیپ سیز عمّانا؟
قایدا واطان توتدینگ قارداش عبدالله؟
اوســـتیمیزه هجران اودی سپیلدی
قوواتیم گــــیدیپ‌دیر دیزیم اِپیلدی
قـان ییـغلاپ آتامینگ بیلـی بوکیلدی
قایدا واطان توتدینگ قارداش عبدالله؟
یوزیم توتوپ چیقدیم جانــدار بارینا
اؤزیم روا گـلدیم هــجران دارینـا
دؤزه بیلمـن بی‌تیــن‌لـرینگ زارینا(1 )
قایدا واطان توتدینگ قارداش عبدالله؟
ایلده- گونده یوقدیر منینگ قاراریم
درد اوستینه قـایدا آرتــدی آزاریم
یاد بولدی وطانینگ اؤیینگ، اوزارینگ
قـایدا وطان توتدینگ قارداش عبدالله؟
گـوش تـوتار مـن هر دیلن سؤزلره
جـپا بـردینگ هجران بیلن بیزلره
اؤزوم اورار بــــولدوم اودا کؤزلره
قایدا وطان توتدینگ قارداش عبدالله؟
گــولوپ اوینامادیق بیله شاد بولوپ
باشدا گیتدینگ بوتین بیزدن یاد بولوپ
مـخـتوم قلی زار آغلاییر مات بولوت
قـایدا واطان توتدینگ قارداش عبدالله؟
——————————-
1- بی‌تین– خزان (غم اؤیی) دييپ بلّي عالم مختومقلی شناس پرفسور عبدالرحمان ملک آمان مختومقلي كتابيندا يازيپ‌دير.2- بیزینگ فکرمیزچه ییتن‌لرینگ زارینا بولماغی هم ممکن.
آیدیملار خازیناسی کتابیندان آلیندی
