مارقوش تورکمن صحرا- اخبار ترکمنستان: قاراش سيز،بي تاراپ توركمنستانينگ آبرايلي حلق آرا قورامالاري بيلن بولشي يالي، دؤنيأنينگ دؤولت لري بيلن هم غيزيقلانما بيلديريأن اؤز آرا حورمات قويماغا اساس لانيان قاتناشيقلارا اقرارلي ليغيني 2016 نجي ييلينگ بيرينجي چأريه گينده توركمن ليدرنينگ داشاري دؤولت لرينگ يولباشچي لاري همده يوقاري وظيپه لي وكيل لري بيلن گچيرن دوشوشيق لارنينگ نتيجه سي آيدينگ گؤركزيأر.
شو ييلينگ 7-6 نجي مارس آييندا عشق آباددا حورماتلي پرزيدنت قربانقلي بردي محمدوف بيلن توركمنستانا ايلكينجي گزه ك رسمي ساپار بيلن گلن قطر دؤولت نينگ اميري تميم بن حماد آل تنيانينگ آراسيندا گپله شيك لر گچيريلدي.يوقاري درجه دأكي توركمن-قطر دوشوشيغي دأپ بولان دوستلوق لي دؤولت آرا قاتناشيق لاري نينگ تاريخيندا تأزه مهم صاحيپاني آچيپ،ايكي يووردينگ آراسيندا نتيجه لي خذماتداشليغي خاص-دا اؤسدورمأگه، عمومي بأهبيتلره لايق گليأن اولي مومكين چيليك لري دورموشا گچيرمأگه غيزيقلانماسيني تاصديق لادي.گپله شيك لرينگ نتيجه سي بويونچا قل چكيلن رسمي نامالارينگ ايكي تاراپلايين خذمات داشليغينگ شرط ناما-حقوق بينياديني بركيتمأگه قوواتلي ايترگي برجك ديگي همده سؤودا-اقتصادي آراقاتناشيق لاريني ايشجنگ لشديرمأگه، دويوپلي اوغورلار بويونچا اؤز آرا حركت لرينگ گريميني گينگلتمأگه ياردام اتجك ديگي ايقوچ سوزدير.
موندان باشغا-دا 17-16 نجي مارس دا قربانقلي بردي محمدوفينگ جمهوري اسلامي پاكستانا رسمي ساپاري نينگ چأكلرينده گچيريلن گپله شيك لر يولا قوييلان نتيجه لي توركمن-پاكستان قاتناشيق لاريني پوغتالانديرماغا، سؤودا –اقتصادي خذمات داشليغيني اؤسدورمأگه تأزه ايترگي بردي.
دؤولت باش توتان نينگ ايكي گونليك ساپارينينگ بارشيندا دوستلوقلي يووردينگ يولباشچي لاري بيلن ايكي تاراپلايين دوشوشيقلارينگ بيرنأچه سي گچيريلدي. شول دوشوشيق لارينگ چأك لرينده توركمن-پاكستان خذمات داشليغيني موندان بيلأك-ده اؤسدورمه گينگ يول لاري همده تأزه بيله ليك دأكي تاسلامالاري دورموشا گچيرمگينگ مومكين چيليك لري بارادا گينگيشليين اؤز آرا پيكير آليشيلدي.توركمن ليدرنه جهوري اسلامي پاكستانينگ قايد اعظم دانشگاسينينگ « سياسي علم لارنينگ حورماتلي دكتري » ديين علمي آدينگ بريلمه- گي بلند خلق آرا آبرايي نينگ همده حلق لارينگ آراسيندأكي دوغان ليق قاتناشيق لاري پوغتالانديرماق دا حورماتلي رييس جمهورقربانقلي بردي محمدوفينگ اولي شخصي قوشاندينينگ اقرارناماسي بولدي.
توركمن ليدرنينگ داشاري سياست يؤرلگه سي نينگ ايله ري توتوليان مهم اوغورلارنينگ بيري حؤكمونده،دونيأ يوورت لري بيلن دوستلوق لي، خوش نيت لي، اؤز آرا بأهبيت لي قاتناشيق لاري اؤسدورمك ليگه آيراتين أهمييت برمگي بولوپ دوريار. اونونگ باشلان غيچلاري بولسا 3000 ييل ليق دا أهلي عمومي دورنوق لي اؤسيشينگ مهم ياغدايي حؤكمونده دونيأ جمغيت چيليگ نينگ گينگ قولداويندان پيدالانيار.
ایران خطینا گچیردی: آماندردی نساری 95/03/03
