خزر دریاسی‌نینگ حقوق درجه‌سینی کسگیت‌لمک بویونچا ایش توپارنینگ مجلسی قورولدی
تورکمنستانینگ خبرلاری – تورکمن‌نیوز – 2017 نجی ییل نینگ ژوئن آیی-نینگ بیرینه تورکمن پایتختیندا خزریاقا دؤولت‌لرینینگ: تورکمنستانینگ، روسیانینگ، قزاقستانینگ، آذربایجانینگ و جمهوری اسلامی ایرانینگ داشاری ایشلر مینیسترلرینینگ اورونباسارلاری نینگ ( معاونین وزرای امور خارجه) درجه‌سینده خزر دنگگیزنینگ حقوق درجه سی حاقیندأکی کنوانسیونی ایشلأپ تاییارلاماق بویونچا یؤریته ایش توپارینینگ 49 -نجی مجلیسی گچیریلدی.
دونیأ تورکمن‌لرینینگ خبر آجانسی: تورکمنستانینگ پرزیدنتی قربانقلی بردی محمدوفینگ بویروغینا لایق‌لیقدا دؤولت-آرا خیذماتداش‌لیغینگ حقوق بینادینی ایشلأپ تاییارلاماق بویونچا بیله‌لیکدأکی ایشینگ چأکلرینده گچیریلیأن باش تاراپلایین دوشوشیق تورکمنستانینگ داشاری ایشلر مینیسترلیگی همده تورکمنستانینگ پرزیدنت نینگ یانینداقی خزر دنگگیزنینگ مسئله‌لری بویونچا دؤولت کارخاناسی تاراپیندان قورولدی.
مجلیسینگ بیرینجی گونونینگ بارشیندا وکیل‌لرینگ یولباشچی لاری اؤز دؤولت لرینینگ خزر دنگگیزینینگ حقوق درجه‌سی حاقینداقی کنوانسیانینگ آیری-آیری دوزگون لری بابتدا قاراییش لارینی بیان اتدیلرهمده سبیتینگ یوورت لرینینگ آراسینداقی خیذماتداش‌لیغی موندان بیلأک-ده گیینگلتمأگه دگیشلی بیله کی مسئله‌لرینگ بیر نأچه‌سی بویونچا پیکیر آلیشدیلار.
بو کنوانسیا خزر دنگگیزینده دورلی اولغام‌لاردا اؤز-آرا قاتناشیق‌لارینگ حقوق قادالارینی برکیتملی دیر.
خزریاقا دؤولت‌لرینینگ باش توتان‌لاری‌نینگ نوبات‌داقی سامیتینا تاییارلیق گؤرمگینگ چأکلرینده قونگشی یوورت‌لارینگ لیدرلرینینگ آراسیندا اوزال قازانیلان ایلالاشیق‌لاری ایش یوزونده دورموشا گچیرمک بویونچا اولی ایشلر یرینه یتیریلدی.
خزرینگ خلق-آرا حقوق درجه‌سینی کسگیتله‌مک بویونچا اؤز-آرا قبول ادرلیکلی چؤزگیت‌لری ایشلأپ تاییارلاماقدا آپ – اسلی اؤنگه گیدیشلیک قازانیلدی.
کناریاقا دؤولت‌لرینگ اؤز اختیارلی حقوق‌لارینا حورمات قویماغینگ اساسیندا اولارینگ ایشی‌نینگ مهم مسئله‌لرینی قادالاشدیریان بینادلایین خلق– آرا ایلالاشیغی بولان کنوانسیو‌نینگ اساسی اوغورلاری ایلالاشیلدی. رسمی نامانینگ تاسلاماسی شیله هم اؤزینه گام چیلیک، داشقی قورشاوی قوراماق و طبیغاتدان، خصوصا-دا، خزرینگ بیولوژی سریشته‌لریندن همده اونونگ دویوبینینگ مینیرال سریشته‌لریندن رژلی پیدالانماق اولغامیندا خلق – آرا حقوقی‌نینگ حأضرکی زامان یؤرلگه‌لرینی و قادالارینی بیرلشدیریأر.
خزر بیلن باغلانیشیق‌لی مسئله‌لر تورکمنستانینگ داشاری سیاستی‌نینگ مهم بؤله‌گی بولوپ دوریار.
شول سیاست بولسا آچیق‌لیق و خوش نیت‌لیک یؤرلگه‌لرینه، میللی و عمومی بأهبیت‌لری، دنگ حقوق‌لی قاتناشیق‌لاری ناظارا آلماغا اساسلانیار.
تورکمنستانینگ پرزیدنتی قربانقلی بردی محمدوفینگ تاصدیقلان بی‌طاراپ تورکمنستانینگ 2017 -2023 -نجی ییل‌لار اوچین داشاری سیاست اوغورونینگ کونسپسیاسیندا هم اولارا اولی اهمییت بریلیأر.
اونونگ اساسی اوغورلارینینگ خاطاریندا کؤپ عصرلیق تاریخی – مدنی قاتناشیق‌لاری بیلن باغلانیشان خزریاقا یوورت‌لرینینگ خلق‌لاری بیلن دوستلیق‌لی قاتناشیق‌لاری پوغتالاندیرماق اوغری هم بار.
حأضرکی دؤورده تورکمنستان خزرینگ حقوق درجه‌سی و سبیتده کؤپ تاراپلایین خیذماتداش‌لیغی اؤسدیرمک مسئله‌لری بویونچا گپله‌شیک‌لره ایشجنگ قاتناشیار.
تاغالالاری بیرلشدیرمأگه همده خزر دنگگیزنینگ اقبالی اوچین عمومی جوغاپکأرچیلیگه اساسلانیان اوزاق مهلت‌لی خیذماتداش‌لیق استراتژی‌سینی ایز گیدرلی دورموشا گچیریأر.
گلجکده هم خزر دنگگیزنینگ حقوق درجه‌سی حاقینداقی کنوانسیانی ایشلأپ تاییارلاماق بویونچا یؤریته ایش توپارینینگ مجلیسی ایشینی اتدیرر.
ایران خطینا گچیرن‌لر: یوسف ایشان نورتقانی-شامحمد نساری
