اخبار ترکمنستاناخبار ویژه

دوستليق‌لی قاتناشيق‌لارينگ آيدينگ يؤرلگه‌لری

مارقوش تورکمن صحرا – امان‌دوردی نساری: 2015-نجي‌ ييل‌نینگ‌ نويابر آييی‌نينگ 22-سينه (1394-نجي‌ هـ.ش ‌ييل‌نينگ آذر آيی‌نينگ‌ بيرينه قابات گليأر) تورکمنستانينگ پرزيدنتی قربان‌قلي بردی‌محمدوف، گاز اکسپورت اديجی يوورت‌لرينگ دوولت باش توتانلاری‌نينگ ساميتينا (جلسه‌سینه) قاتناشماق اوچين، ايکي گون‌ليک رسمی ساپار بيلن قونگشی‌ ايرانا گلدی.
جمهوری اسلامی ايرانينگ پرزيدنتي حسن روحانی‌نينگ بلِلیشی‌يالی، اونونگ يووردينده تورکمنستانينگ باش توتان‌نينگ ساپارينا آيراتين أهمييت بريليأر.

دوغانليق خلق‌لاری‌نینگ خوش نييت‌لی قونگشی-چيليق قاتناشيق‌لارينی اؤسدورمک‌ده تأزه تاپغيری‌آچيان واقعه حؤکمونده قاراليان بو ساپارينگ دواميندا ايکی طاراپ‌لايئن گؤرنيشده هم، ايری خلق آرا قورامالاری‌نینگ چأکلرينده هم آلينيپ باريليان خذماتداشليق مسئله‌لری‌نينگ گينگ توپلومی بويونچا، شيله-ده اؤز آرا قيزيقلانما بيلديريليأن ثبت و خلق آرا سياست نينگ مُهم مسئله‌لري آرا آلينيپ ماصلاحات لاشيلدي.

دوست‌ليقلي دؤولت‌لرينگ حأضرکی زمان هووپلارینا، ايلکينجی‌ نوباتدا، خلق آرا ترورچيليغينا، نشه سريشده‌لری‌نينگ بی‌قانون دولانشيغينا و قوراماچيليق‌لی جنایت‌چيليغا قارشی گؤرش‌ده، شيله هم اولارينگ اؤنگينی آلماقدا تاغاللالاری بيرلشديرمک اوغروندا چيقيش اتيأنديگی آيراتين بلله‌نيپ گچيلدی.

يوقاری درجه‌دأکی گپله‌شيک‌لرينگ دواميندا ايکی يووردينگ آراسيندأکی خذمات داشليغينگ اؤسيشی 2015-نجی ييلينگ 9 آيی‌نينگ نتيجه‌لری بويونچا ايکی طاراپلایین سودا دولانشيغی‌نينگ مچوورنينگ 2 ميليارد 620 ميليون امريکا دلاريندان قووی‌راق بولانديغی، بو گؤرکزيجی‌نينگ گچن‌ ییل‌نینگ دگيشلی دؤوری بيلن دنگشديرلنده 2/2 گؤتريم يوقارلانانديغي همده ياقين 10-ییلینگ‌ دواميندا سودا-خريد دولانشيغی‌نينگ مچووريني 60 ميليارد امريکا دلارينا يتيرمک بارادا ايلالاشيلان‌ديغي نيغتاپ گچيلدي. شونونگ بيلن باغلانشيقدا تورکمن رهبری تورکمنستان بيلن ايرانينگ آراسيندا ساودا-اقتصادی خذمات‌داشليق بارادا اوزاق مُهلت‌لين مقصدنامانی ايشلأپ تاييارلاماغی تکليپ اتدی.

تاريخ تايدان قيسغا دؤورده تورکمنستان ياقين قونگشی- ايران بيلن بيرنأچه ايری مچوورلی تاسلامالاری عامالا آشيردی. شولارينگ حاطاريندا تجن_سرخس-مشهد دميريولی کؤرپه‌جه-قورت قویی و دولت آباد-سرخس-حانگران،گاز گچيریجی‌لرينی،دوستلوق سوو هودانينی، ايری خلق آرا تاسلامالاری‌نينگ حاطاريندا دميرغازيق -گون اورتا اوغوری بويونچا گچن ييلينگ آخريندا ايشه گيريزيلن قزاقستان-تورکمنستان-ايران خلق آرا دميريولونی، شيله هم بيله‌ليکده قوريلان بيله‌کي دسگالاری‌گؤرکزمک بولار.تورکمنستان و ايران گون دوغار-گون باتار اوغری بويونچا خلق آرا گچلگه لرينی دؤرتمأگه هم ايشجنگ قاتناشيار.مونگا مثال حؤکمينده ازبکستان_تورکمنستان-ايران-عمّان اولاغ اوستي آشير گچلگه‌سيني دؤرتمک(ترانزیت ماشین)بويونچا آلينيپ باريليان بيله‌ليک دأکی ايشلری هم گؤرکزمک بولار.

Iran Turkmenistan 2 - دوستليق‌لی قاتناشيق‌لارينگ آيدينگ يؤرلگه‌لری
دیدار رئیس‌جمهور ترکمنستان

بو دسگألارينگ أهليسي ايکي دوغانليق خلقلارينگ شو گونکي و گلجک کي باغتييار دورميشي نينگ بهبيدينه خذمات اتيأر.خذمات داشليغی اؤسديرمک مقصدی بيلن، ايکي دؤولتينگ باش توتانلاری تورکمن_ايران سرحد گچلگه‌لريندن گچيأن ماشین‌لارینگ‌ اورتاچا سانيني بيرگيجه-گونديزده ايکی اسسه آرتديرماق، ياغنی 1000-سانا يتيرمک بارادا ايلالاشديلار.شونينگ بيلن باغلانشيقدا، تجن درياسی‌نينگ اوستوندن گچيأن تأزه ماشین کؤپری‌نينگ و بو اوغور بويونچا سرخس_تجن ماشین یولی‌نینگ قورولماغنينگ اولی أهمييته ايه‌ديگی نيغتالدی.گپله‌شيک‌لر تمام‌لاناندان سونگ،بيله‌ليک‌دأکی‌ بيان نامه قبول اديلدی.

سونگرا ايکي طاراپلايئن بيرنأچه رسمی نامه‌لارا قُول چکمک داباراسی بولدی.گونينگ ايکينجی ياريميندا تورکمنستانينگ پرزيدنتی قربانقلی بردی محمدوف  جمهوری اسلامي ايرانينگ روحی رهبری آيت الله علی خامنه‌ای بيلن دوشوشدی.

دوشوشيقدا أگیرت اولی قوواتا ايه بولان اؤز آرا بأهبيت‌لی خذمات‌داشليغی،شول ساندا مدنی_انسان‌پرور اولغامدا قاتناشيق‌لاری گينگلتمک و هممه طاراپلايئن اؤسديرمک بارادأکی فکر بيان اديلدی.

23-نجي نويابردا تورکمنينگ ميللی رهبری اجلاس سران  مصلحت‌لار مرکزينده گچيرلن گاز اکسپورت اديجی يوورت‌لری‌نینگ دؤولت باش توتانلاری‌نينگ ییغناغینا قاتناشدی.
ایران : خطینا گچیرن‌لر یوسف نورتقانی و  آماندوردی نساری  22/9/1394 هـ ش ییل.

نوشته های مشابه

دیدگاهتان را بنویسید

نشانی ایمیل شما منتشر نخواهد شد.

*

code

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

دکمه بازگشت به بالا