مارقوش- اخبار ترکمنستان: مألیم بولشی‌یالی ترکمنستانینگ حورماتلی پرزیدنتی قربانقلی بردی‌محمد اوفینگ قولداماغی اساسیندا شو ییلینگ فورال آیی‌نینگ ایکیسی و دؤردی آرالیغیندا قونگشی دولت‌لر بیلن قاتناشیق‌لاری خاصدا برکیتمک و گینگه‌لتمک اولاری تازه مضمون بیلن بایلاشدیرماق اساسیندا ترکمنستاندا ایرانینگ مدنیت گونلری گچیریلدی.
ترکمنستان بیلن ایرانینگ دوستلیق‌لی و اؤز آرا بأهبیت‌لی خذماتداشلیغی توتوش ثبت‌نگ اؤسیشی‌نینگ بأهبیدینه گؤنیکدیریلندیر. مونینگ 2015-نجی ییلینگ مارت آییندا عشق آباتدا ایرانینگ پرزیدنتی حسن روحانی‌نینگ بولان صاپاریندا نیابر اییندا بولسا ترکمنستانینگ پرزیدنتی قربانقلی بردی محمداوفینگ تهرانا بولان ایش صاپاریندا ایکی دولت‌نگ پرزیدنت‌لری‌نینگ آراسیندا گچیریلن گپ‌لشیک‌لر و اونینگ اونگین نتیجه‌لری ینه‌ده بیر گزک آیان اتدی. اوندا ایکی دولتینگ آراسیندا ساوودا-اقتصادی اولاغ- آرا قاتناشیق انرگتیکا پوداغیندا ،شیله مدنی-گومنیتار اولغامدا خذماتداش‌لیغینگ ایلرله‌یأندیگی بل‌لندی.
بو صاپارلارینگ جمع‌لری بویونچا قول چکیلن بِللیک‌دأکی بیان نامه‌لاردا خذماتداشلیغی پوختالاندیرماغینگ مهم‌دیگی تصدیق‌لاندی. گچن ییل عشق آباتدا ایرانینگ اؤنیم‌لری‌نینگ سرگیسینینگ یؤریته‌لشدیریلن سرگیسینینگ تورکمن-ایران ایشه‌ورلر مصلحتی‌نینگ گچیریلندیگینی بلله‌مک گرک. ایکی دوستلیق‌لی قونگشی دولت بولان ترکمنستان و ایران مدنیت اولغامیندا مهم خذماتداشلیق قاتناشیق‌لارینی ایشجنگ‌لشدیرمأگه و پوختالاندیرماغا مهم اهمیت بریأر. مونینگ شیله‌دیگینی ایرانینگ اسلام رسپوبلیکاسی‌نینگ ترکمنستاندا مدنیت گونلری‌نینگ ایزی گیدرلی گچیریلمگی آیدینگ مثال بولوپ دوریار.
بو دؤره‌دیجیلیک فُرمانینگ چأک‌لرینده ایرانلی صونغات اوستادلاری اؤز باشارنیق‌لارینی گؤرکزدی.گچیریلن مدنیت گونلری‌نینگ چأک‌لرینده دوستلیق‌لی ایران دولتینگ آمالی-هاشام« قشنگ» صونغاتی‌نینگ اثرلری‌نینگ سرگیسی ایرانینگ صونغات اوستادلاری‌نینگ و فُلوک‌لر توپاری‌نینگ کُنسرتی ایران کینو فیلیم‌لری‌نینگ گؤرکزیلشی تورکمن-ایران چاغه‌لار توپارلاری‌نینگ بیله‌لیک‌دأکی کُنسرتی قورنالدی. ایرانلی میخمان‌لار اوچین مدنی مقصدنامه هم تاییارلاندی.
بو مقصدنامه‌دا میخمان‌لارینگ ترکمنستانینگ موزی قیمّات‌لیق‌لاری بیلن تانیشماغی عشق آباد شهری‌نینگ گؤزل یرلرینه باریپ گؤرمک‌لیک یالی چأره‌لرینی هم اؤز ایچینه آلدی. ایرانینگ ترکمنستانداکی مدنیت گونلری تورکمن-ایران دوستلیغی‌نینگ شیله هم ایکی قونگشی خلق‌نگ مدنی-گومنیتار قاتناشیق‌لاری‌نینگ خاصدا پوختالانماغیندا مهم اهمیته ایه بولدی.
ایران خطینا گچیردی : آماندوردی نساری 1394/12/02 شمسی ییل.
