سیگان باغشی, Sygan bagşynyň ýubileýine
اوراز گلدی الیاس حقدا
تورکمن صحرا یازووسینا گچیرن: یاشار نیازی /مارقوش
عجاییپ باغشینینگ عمر یولی اؤرأن قیسغا بولدی. اول سونغات عألمینده یانگی آچیلیپ باشلانیندا، 40 یاشینا-دا یتمأن، آرادان چیقدی. شیله – ده بولسا، اول ادیل یاز گونونینگ، ییلدیریمی یالی، آیدیم – ساز عألمینده یاغتی ایز قالدیردی.
اول اؤز دؤورونده خلق آراسیندا سیگان باغشی آدی بیلن تانالیار. اورازگلدی الیاس بی واغت اؤلومی تورکمن سونغات اؤچین اؤرأن آغیر ییتگی بولوپ، اول بارادا 70- 80 -نجی ییل‌لاردا کؤپ گوررونگ ادیلدی.
ساخی جبّار، اورازگلدی الیاس، یازیجی مأتی کؤسایف، باغشی اؤده‌نیاز نوبات، باغشی خوجا قولی دیوانا
یازیجی رحمان گله‌نوف “سیگان باغشی” آدی بیلن اول حقدا رمان هم دؤره‌تدی. آیتماق‌لارینا گؤرأ، “سیگان باغشی” رمانی ساتووا چیقایان بادینا سانلی گونونگ ایچینده ساتیلیپ قوتاریپ‌دیر. اورازگلدی الیاس تورکمنینگ مشهور باغشی‌سی سخی جبَارینگ اینگ مناسیپ شأگیرتلریندن.
اورازگلدی-نینگ آشغابات‌دأ – اؤینینگ داشار قاپیسی
سیگان دیمک نأمه ؟
سیگان‌لر کؤپلنچ دنیأنینگ اهلی یورت‌لرینده گوچوپ قونوپ یؤرأن هندوستان خلقیندان گلیپ چیقیان بیرخلق اولارینگ بللی بیر مکانی،یوردی بولماندیر دییپ‌شو کتابدا یازیلیپ‌دیر« روس‌چا-تورکمنچه سؤزلیک 2نجی جلدچاپ 1987نجی م ییل»
باغشی اورازگلدی اول بویره ساچلی بولوپدیر ساچی شول سیگانلاره منگزه‌یأر دیییپ‌دیرلر امّا ایکینجی طارافدان بولسا اول کؤپ گزنده بولانی اوچین بو آدی آلیپ‌دیر دیییپ هم آیدیارلار هر یاغدایدا هم بولسا بو آد اونگا برلیپ‌دیر؛
روس دیلینده سیگان
فارس دیلینده «کولی»
تورکمن دیلینده تولغانی- غیل- غیلی ، قارا چادیرلی
پروفسور دیلچی عالم یوسف آزمون بو سؤز اصلیندا سیگان دأل اونینگ حقیقی مانیسی چیگان سبأبی چیگان دیمک چین دولتینده یاشایان اویغورلاردا و بیر نأچه ترک خلق‌لاریندا غاریپ دییلن مانینی بریأر دییپ آیتدی روس‌لاردا « چ» سؤزی بولمانی اوچین اولار « سین» حرفیندان پیدالانیپ‌دیر دییپ آیتدی
——————————————-
اورازگلدی شوگونلره‌چنلی یاشاپ یورِن بولسا اول تورکمن آیدیم-سازیندا اولی اؤزگریش دیمک« انقلاب» ادردی دیسک اؤته گیتدیگیمیز بولماسا گرِک اورازگلدی یالی بلبل اووازلی باغشی ایندی بو جهانا گلرمیکأ ؟
اورازگلدی‌نینگ بلبل اووازی مخمل سسی هیچ هاچان اؤلمز یتمز باقی یاشار
اونینگ خلق آراسیندا قئریقدان غاوراق آیدان آیدیملاری بار. شو آشاقداقی آیدیملاری اورازگلدی‌سیز گؤز اؤنگینه گتیرمک اصلا ممکین دأل، مثال اوچین ساللانان گؤزل، تره‌کمه، عمّان-عمّان، بیلن بارمی؟، عراقدا دورما، بی دردیاریم، آق یوزلی مارالیم، و نأزلی یار یالی آیدیملارینگ آدی توتیلاندا شول بادا اورازگلدی‌نینگ اووازی قولاغینگدا جانلانیار باغشی اورازگلدی الیاس حاقدا کؤپ شاهیرلار قوشغی یازیپ‌دیرلار بیر نأچه قوشغیلار بولسا باغشیلار طاراپیندان آیدیم ادیلیپ آیدیلیار. یازیجی شاهیر مأمت سید ، باغشی اورازگلدی حاقدا باغشی آدلی پایاما یازیپ‌دیر. باغشی اورازگلدی حاقدا نأچه آیدسانگ-حاضر آزدیر
اورازگلدی‌نگ یکه جوق‌قول‌لی‌سینی اؤزیمـأ بـرمرین ایران تورانا
کـؤپـت‌داغـی اؤورسـه‌لـر گـؤهره کرپیگیم قالدیریپ باقمان شول یانا(گلدی بأشی)
**********************************************************
مأمت سیدینگ اوراز گلدی الیاس حقدا یازان پایاماسی
« باغشی»
یازیجی شاهیر مأمت سید
بـاغشی‌دی گـؤرمسـک‌ده آدینی
آراسیندا آد قـازانـان باغشیلانگ
اونی اؤلکـأمیزه مشـهـور ادن زاد
اولام ایلینگ-گونینگ یؤنگکأپ یابشیران
لاقـامی‌دی سیـگأن دییلن لاقــامی
تورکمن اونی لاقــامیـندان تاناردی
زینت بولوپ دنیـأسینده باغشیلانگ
یتمیش منزل یولدان گؤرنن چیناردی
اؤز یـانیندان قـواناردی آدامـلانگ
یؤنگکأن لاقـامـیـنا داقــان آدیـنا
خذماتیندا یورتیپ یوزین سارالدیپ
آق پـاتـا بر دییپ عاشق آیـدینگا
اول خواییش اتمأندی بویون بورماندی
شیله ناموس‌جانگ‌دی تکبّیردی اول
اونسیزام شول داغدان بلند سایلیان
بــاغشیلانگ حـاطارینا گیردی اول
قـارا بــاشی نـأ گـونـلری گــؤرمه‌دی
دوامیندا بو قیـسغـاجـیق عمری‌نینگ
یـاغیـرنیسی بـأش گز دییلن باغشیلار
گوونی یتمـأن یغـریپ اونگا سنگریگین
بأس کشلیکمی؟گؤریپ‌لیکمی؟ بیلمه‌دیک
غـیباتـین اتـدیـلر ایگه‌سین سـورتیپ
یـؤنه آیـی اوزاق گــیـزلأپ بیـله‌نـوق
قــارا بـولـوت لارام اؤنـگونی اؤرتیپ
آز بـولمـانـدی ایـل آغزینا دوشـینچأ
اونیـنگ اشـدن غـالمـاغالی غاللاسی
اگـنیـندن بـاسـاندا یـک‌یـاریملاری
قـوللاپـدی ایل-گونینگ بره‌کللاسی
کورسأپ اؤیه گیرِن یول سینگه‌گی«دی»
غیـبـت‌کـش‌لر چـابالاندی قالغادی
یـؤنه گـؤک داماقلار غارغایار دییپ
قاووی زاد گون اؤز یولوندان قالمادی
گـؤریبـینگ گـؤزینه قـاچان چـؤپ بولوپ
سـانـجی بـولوپ یــورِگـینه بـاخـیلینگ
قـابــدالیندان چـیقیپدی اول آط قوشوپ
بییک دییلن چووال باغشینگ-ساخی‌نینگ
دوتــاریــنگ اؤسـتـونه لابـیرنی آتیپ
باسمیرلاپ اوت‌لیق‌لی سه‌سین قئجاغینگ
شـاغـلاپ اینِنینده کـؤنه گــوذردن
بییک صونغات آچیپدی اؤز قوجاغین
آرام-آرام اویـا بـاتـیپ یـــادلایان
شیله‌رأک بیر واقانگ بولوپ گچه‌نین
فیلورمیانگ بـاغشـیلاری بیر گزِک
اوزاغراق بیر اوباسیـندا تجـنینگ
کنسرت بریپدیرلر بیر عجاپ آغشام
اورتا چیقیپ اولار نـوبـت به نـوبت
بیری تارلانگ بیری لاچین آیدیملار
آسودا آسـمـاندا گــریپ‌دی قانات
پسیرأک باغشیلار ایـلکی سـاویلار
ایلکینجی آیدانلانگ بیری‌دی سیگان
یومریق یالجاق قورساغیندان چیقان سه‌س
گینگ‌لیگی دنیأ«دی»کلوبه سیغمان
داش-دیواردان وازلاپ گچیپ اؤری‌سین
ییلدیزلارینگ آنـگرسیندان آیـلاپ‌دی
کیپارلاپ تـاقـاغیـنگ یانــار- اِپگه‌گی
بیجین ییلینگ آنگزاق قیشی مایلاپ‌دی
گچیپ گیتدی اولی باغشینگ نوباتام
شونینگ بیلن کنسرت بولوپدی تمام
اؤنگ حاطاردان آق ساققاللی یاش اولی
بیـردن اؤر بـوینـا قـالدی شو زمان
یـوزلـنـدی کـنسرتی آلـیپ باریانا
توتیپ باغشیلاردان سیگانینگ آدین
دیدی قوجا،قین گؤرمأنگ شول اوغلانجیق
آیدیپ بـرسین بیزه ینه بیر آیدیم
آلیپ باریان ییگت دیـدی شـوُ محال
وقتام گیجیگیپ یـؤر آدامـلار آرغین
سؤزینگ آراسیندا یـادلادیپ آیتدی
ارتیرم هرکیمینگ ایش-گؤیجی بارین
بیردنم کوپیردأپ چـارپیلدی ال‌لر
سه‌سینه تیسگینیپ اندامی دیغلان
ییگیت صاخنانگ آنگرسیندا گیزلندی
سازاندالاری بیلن گؤروندی سیگان
حکمی روان سلطان بولوپ یـورِگینه
اونگا اویشن هر کی بیر نو جووانینگ
اینه شوننا شول قدیمی قولپـاغینگ
یانگلانیپ‌دی آیدیشاندا،سیگانینگ
آیدیمی تـازه‌چه ایشلأن ییگیـدینگ
آدیـنـا گؤرنه نأچه آلقیـش دیلیپدی
قولپاغینگ آیدیم‌نینگ سیگان نسخه‌سی
دییـأرلـر شول گیـجه دنـیأ اینیپ‌دی
خاص هم بیگه‌لدیپدی اینه شول آغشام
دیله دوشیپ اوغران سیـگانینگ آدین
یـؤنه ولـی قـارشیلیـق‌لی طـارافــام
بولیانین اونوتمانگ هرکی بیر زادینگ
سؤیجی‌نگ قارشیسیندا آجیسی باردیر
آغینگ قــارشی‌سیندا قارا دوراندیر
هایسی زادینگ بو، قئراسی بار بولسا
قـارشی‌سـیندا ینـه قـئرا دورانـدیر
باشقا بیر طرافدان اینه شول آغشام
بولوپدی یـاقیمسیز دعوانینگ باشی
بـاغشیلارینگ آراسـیندا شو گزِک
همّه‌دن سونگ نوبت آلان بیر باغشی
ماهابات برلیپ یـورلن شـو باغشی
دییپ‌دی سیگانه هیچ بیر جهت‌دن
مندن سونگرا چیقیپ آیدیم آیداره
حقینگ یوقدیر سنینگ آشماغین حت‌دن
اولی بـاغشی سـالیقـاتـلی سـؤز بیلن
دویدیریپ‌دی گـؤرکزیپدی یـومریغین
یؤنه ولین شو یاشی اولینگ خـواییشام
مانیسیدی سیگان باغشینگ عمرنینگ
شوننادا چیقایماق کؤیینده یوقدی
قاتی گؤروپ کینه اتمه‌سین اوستاد
بیر طاراپدان آلیپ باریان کنسرتی
ارکینه قویانوق سیگانی قیسساپ
باغشیلانگ اؤگـونده دیه‌نی گچـیأن
اولی باغشینگ سالان حاوپینا باقمان
شو جاغاز کارینده ساقـلانماق اوچین
ییگیدینگم دیه‌ننی اتمـلی حؤکمأن
اؤنـگم زور آیاقدان ایشه یرلشن
سیگأن اوچین یانـار اوتدیلار اولار
ایکی اودینگ آراسیندا قالماقلیق
دییلیأن زاد اینه شونگ یالی بولار
شو باغشی آیدمیشلین اولی دأل ولی
گووره‌سیندن قدیم قارا کوننیگینگ
اؤنگه چیقیپ گور اول کیم‌لردن سونگرا
آیدیم آیدیارتانامان اؤز کیم دیگین
بــاسیم اونـگا تـانـاتـدیلار اؤزینی
اوزاق ایشله‌مه‌دی شو گوندن بئیلأک
باشقه بیر طاراپدان یامـانـلاپ اونی
مونگ بیر تهمت یاپیپ اتدیلر هلأک
گورله‌شنده ناچانلیگینگ دیلینده
اتمیش بولوپ گورینسه‌ده دنیأسی
باغشیلیغی اولـی بـاغشـا یارانوق
دینگه شودی اونینگ ادن گُنأه‌سی
گؤیدیک آداملاردان اون اِسسه بتر
گؤریپ آداملارینگ عاقلی گؤیدیک
اولار اؤزگه‌لـرینگ اگنـینه بـاسیپ
اؤزلری یوقاردا گـؤرینجک شیدیپ
دپه‌سیندن اِمگگ اینیپ نرسسأنگ
تاپدان دوشن وقتی پسـه‌لیپ حالی
اشیدن آدامـلارینگ یؤرِگین بولاپ
بولوت‌سیز آسماندا گؤگ گورلأن یالی
پلان یرده سیگان آیدیم آیدانمیش
دییپ غیبت‌کش‌لر گپ یایراتدیلار
بوش یردن گناهلأپ بی ناموس‌لیقدا
قایـالاردان آغـئر تهمـت آتدیلار
توسلانیپ تاپیلان بیـدرک میـشلار
بیر ییگیدینگ قصدینا قئجاپ دیشینی
یوپ سیریلیپ گـچأیانچا توینوقدان
اتیـأردیــلر اؤز اتمــلی ایـشـینی
اونـگـا بیـرین گـنألأپ هـم بولانوق
اونینگ اوچین ادیـپ بولانوق سودام
میش-میشلانگ آفتری گپچی گؤریپ‌لر
سووا گیریپ قوری چیقیارلار سوودان
اولا اوغـلان رستم زالام یـگشـرر
شول یوکلنیأن گناه‌لرینگ آستیندا
اؤزم خالیص آقـجا قـوش دألـدیرا
قاقابـاشیراق اؤسن چـاغا اصیلندا
اوغلان اوشاق گناه بولغسیز اتمیش
هایسی بیر باغشیدا یوقمیشین اولار
شـول اولی ذهینینگ حاطیراسینا
اونچا-اونـچا زادی باغشیلاپ بولار
شول حسرت‌لی واقانگ یوزه چیقماغی
بیزینگ اؤزیمیزدن بولمـاغام آخمال
اؤنگین آلیپ بیلمزمیدیک ایسم بیز
انتک بکیشمـأکأ شـول اربت آخوال
قانون‌لار حاقداقی علمی ایـشــینده
آیدیشی‌دی بیر عاجایپ عـالیمینگ
اونوتیاریس کأ محـال جنـایت‌دیغین
بیزینگ دووریمیزده بی پروای‌لیغینگ
قاوسالاردا دنیأسیندن آیـدیمـلانگ
آیـدیم‌لاردان آراسـینی کسمـأندی
بویون تاولامازدی بویرِن یومشینگدان
بییک‌لیگنینگ بیر طرافی پس فعل‌دی
اؤز یـانیـندان قـهر ادیـپ بـیـرینه
تونگگردن محالی‌یوقدی ینگسه‌سین
هیچ باغشا منگزه‌جک بولمازدی اؤزی
قوی اؤزگه باغشیلار شونگا منگزه‌سین
سیگان باغشی بامی دییپ ؟ همیشه
تـویــلاردا سـورالیپ تویدا ایده‌لن
مونگ آدامینگ آراسیندان آلاقجاب
گؤزلأپ یؤرِنی شول تشنه دیده‌لنگ
بـارسـا هـر اوبـادا بارسا هـر اؤیده
اونینگ اوچین آچیقدی اهلی قاپیلار
بیـر تـویـی ساوارلیق آیدیمی بیلن
کؤپ اؤیلرینگ صندوقیندان تاپیلار
ادبیـن یـک گؤرسه‌لرده کیمسه‌لر
هیچ آدامدان پس دألدی اونگ ادبی
یـامانــلیـق اده‌نی یـادلاماسـادا
اونـوتمازدی بیر یاغشیلیق اده‌نی
گؤررینگین برردی کیفی کؤک وقتی
قئجاقچی یولداشی ناظار بگلی‌نینگ
دییه‌ردی قین گونیم قولدانی اوچین
آستیندان چیقما یوق اونگا برگیمینگ
تاناپ گؤریپ‌لر گوک سینگگ دیین
آرقـا آتیپ اوتـانچ بیـلن حـیاءنی
صونغات اوچین برلیپ یؤرن آدلاردان
چِتلشدیریپ یؤرن وقتی سیـگانی
« شی»دیپ‌دی خاشاملی آد داقینیپ
انتِگأ یوق اؤنگکی‌سیـندن اؤیتگه‌یأن
دییـپ‌دی ذهیـنینگ باغشی اتمسه
زور آیاقدان باغشی بُورسینگ اؤیتمه‌یأن
بییک حُکمی روان آیـلاپ چرخینی
عصرلاره تیگیرین تیگیرلأپ گیتدی
تاقاغینگ باغیشلان پشکشین یلقی
اوچ موچأ یتیرمأن اوغورلاپ گیتدی
بیر اؤیتگه‌شیک شمال اؤسیپ بیر سحر
آل آسماندان غارغا گشدی غاق دییپ
بارینگ آیدینگ شول تجـن‌لی یاش‌اولا
سیگان اؤلدی ایندی سیگان یوق دییپ
داش اؤسته داش قویوپ قالدریپ دوور
گـولأپ دوران دگیـرمنـینگ گزلرین
توتوش بیر عصـر تـمـامـلاپ بـاریار
سود ادیپ سیگان باغشینگ سؤزلرین
هانی ایسم بیر محالقی آبشـارلـیپ
من-من دییپ آذیم اوران باغشیلار
بـأش سـره دؤشـلری تـلویزرلنگ
اکرانین دولدیریپ دوران باغشیلار
چیقیپ گیدن دنیأسیندن سیگأنینگ
آلیـپ گیـتدی اولانـگام اؤز اقبالی
بو غاوغالی تاریخـیندا آیـدیملانگ
گؤیأ اولار هیچ وقت بولمـادیق یالی
کیمـسه‌لر اؤنگکی آدیـن آز گـؤروپ
بلـنددن بلنـده ائمتیـلیپ گـیتدی
کیمسه‌لرینگ آدی یاتدان چیقارلیپ
اولانگ باغشیدیغام اوندولیپ گیتدی
اؤزگه‌لردن پس هم بولسا مـوچه‌سی
آدام‌لـیغی قـایــالاردک دیـری دی
اؤز دوورینده بارماق باسیپ سانالیان
دؤرت باغشینینگ دؤرت اووازینگ بیری‌دی
رادیـونـینگ مـرکزینه خط یولداپ
کیم اِسن قولی‌دان کیـم‌لر حلاج‌دان
سورایار سیگأنینگ آیدیم آیدماغین
کیمسه‌لر یاقیندان کیمسه‌لر داشدان
کـوننیکدن اولی دأل دییلیأن سیگان
دوور آدلی أپــت عمّــانی بـویلاپ
یاغ‌یالینی یدیــگن‌لنگ داشـیندان
قولپاغینگ اؤری‌سین اولکردن آیلاپ
توی تویلاپ یؤر آراسیندا آداملانگ
آیدیم بیلن قوتلاپ اولانگ ارتیرین
حُکمی روان سلطانی اول بیر محال
قئراسیندان التیل‌مدیک افیرینگ
دینگلیجی‌سی کیم بولسادا فرخی یوق
آیـدانـدا تـابـین بــویـون اِگردی
باغشیلیغی اونـینگ بییکدی ولـین
ســادالیـغـام بــیر بییگه دگردی
اربت آدام یوقدی اونینگ یانیندا
اونگ اوچین همّه‌لر قاوی آدام‌دی
خـواییش ادنـلره یکـه‌جــه گزک
نه یوق دیدی نه‌ده اونگا یایداندی
سیـگان بیـلن آرامیزدا بیر گزک
بولوپ گچن بـیر صحبتی آیدایئن
چـیقـیپ گلنـده آپـراتسیادان
یاننا باریپ‌دیق سوراپ یاغدایئن
اشـدیپ‌دیـک نـأخوشا تنه‌کـاردیگین
آچیـق صحـرا بیـلن تعمیـز شمالینگ
یاتما بیئدیپ گوونینگ آچیلسین دییپ
آلیـپ چیـقـدیق کنـارینا کـانالینگ
تـگه‌لنیپ دوران آییـنگ آسـتیندا
قیزلانگ یانگاغینا منگزه‌یأن هوانگ
سحر یانیپ دوغان گونینگ خاورینا
غـاورلا-غــاورلا یـانـگراق ساوان
مخـمـل‌دان چکیلن پر دوشـک یالی
آق چأگأنگ هؤزیری دویپدن باشغادی
سیگان دوتــارینینگ تارینی دوزیپ
آسسا-آسسا هنگگلجیرأپ بـاشلادی
کیفینگ توتسا دوتار چالسانگ چال ولی
دوستم انتک ساقلان دیدیک آیدیمدان
سیـگان کـؤینه‌گین چکیپ گـؤرکزدی
عمر-عمر چیقمـاز منـینگ یـادیمدان
سـؤکیـلن تیـکینی آپــراتسـیانگ
قوشاغینگ داش یوزین قئزاردان قانی
آدام‌لار-آدام‌لار نــیرده انـصــاف ؟
نأ گون‌لره سالیپ یـؤریس سیـگانی
کیمدیر بیری اییام بیزدن اؤنگوردیپ
آیـدیم آیتـدیریپ‌دیر حالینا باقمان
حاضرکی یاغدایئن گؤرسه سیگانینگ
یگـره‌نیـپ کـؤییـردی بجرِن لقمان
انصاف حاقدا عاقل ساتان بولیاریس
گؤر نأهیلی ماخروم اوندان اؤزیمیز
یـتی‌لیـگیـنی اؤزیمیزده سینامان
اؤزگأنینگ تننه باسیاس کؤزیمیز
بو یـاغدایا سالینماغی سیگأنینگ
بیلیأریس بیز یؤنه یردن دألدیگین
بو واقا بیر چؤنگگأنگ ادن ایشیمی
نتیجه‌سیمی یا بیر بد فعل‌دیگینگ
هایسی بیر گویچ انصاف مقدّس انصاف
قـلبـیمیزدان قاودی سنی اورکیزیپ
یــا بـولمـاسا نفسه بریپ اورنونگی
یـاتیرمیسینگ بیر یرلرده ارکیلیپ
اؤلدیمی یـا اؤلدیـردیکمی سـیگانی؟
بـیر یـاش اولینگ مـانگا برن سؤالی
آق اشیک، آق ساققال عاشق آیدینگا
چالیمداش شو قوجا شـوگونکی یالی
گؤزومینگ اؤنگیندن گیتمأن بیر فرصت
اول جـواب سـورایار سـورایار حاساب
اونـگـا نـأمـه دییـپ نــأمه آیـدایئن
من سانگا توتینیان کـرمـلی انـصـاف
گُناهـکار دینگه بیر گؤریپ‌لرم دأل
بو گـناه منیـنگم سنینگم گنأ‌نگ
ایندی قایتالانماز دییپ بو حسرت
یوق منینگ اینامیم یوق سنینگ گواءنگ
شونینگ اوچین قورامالی برک دوریپ
قلبیمـیزینگ انصاف دیین بایلیغین
درخـت‌لاردی قـوراماسین قوی اولار
اودلی پنجه‌سینده بی پروای‌لیغینگ
****************************************************
« اووازی»
سؤزلری رجب مختوم
دینگلأنگده اوچوریپ عرشی گؤرکزر اورازگـلدی نـرسـسأنـینگ اووازی
باشدان قایغینگ سؤریسینی اورکیزر اورازگلـدی نــرِسـسـأنینگ اووازی
خلقینگ یؤرِگینده کؤشکین یاسادی اینگ‌آراسساعشقینگ‌عشقین‌یاسادی
عاجاپ آیدیملارینگ کشبین یاسادی اورازگلــدی نــرسسأنـینگ اووازی
قـیغـیرانـدا چشمه یالی چوغیار اول آیــدیمـدان بوغولمان نده بوغیار اول
سس یتمِجک‌یردن اوزهنگ‌یغیار اول اورازگلــدی نــرسسأنـینگ اووازی
بـیلن بـارمی آیـدیم‌لارنیـنگ مثالی(1) دینـگلأن قـوجـا آغـلار الی عصـالی
چینـدان دویـدیر آیـریـلیغی وصالی اورازگلــدی نــرسسأنـینگ اووازی
————————-
1- شاهیر رجب مختوم اورازگلدی‌نینگ بیلن بارمی دیین آیدیمنی
دینگلأپ یؤرِگی جوشوپ شو قوشغینی یازیپ‌دیر 25-8-1362هـ ش
چشمه‌لر:
1- تورکمنستان ماغلومات سایتی
2- امان دوردی نساری- نگ ، اوراز گلدی الیاس حقدا ییغناپ یازان کتابی
منبع:
مارقوش / دايرة المعارف ترکمن صحرا
www.margush.ir
telfax: 0172-2221228
tel: 0172-2291449
mob:+98 9392291449
استفاده از مطالب سايت با قيد منبع مانعي ندارد.
