دوُست و بیز «قاقا مصطفایی نئ یادلاپ»
یاشلئقدان، پأخیم- پایخاس إل یترینگدأکی غوشدئ و سن اوُنئ اییملأردینگ
غاناتی سنی گؤتأر دیین تاما بیلن.
کیتاپ-غالام و بیلکی دوُستلارئنگ؛ موخاممت، قاقا، بوُلابیلسم من و باشغالار…
گؤردونگمی!،
ساغلئغئنگ سارالئبرسه، دوُواماتلی برک بوُلار دیین باغئنگ، سرتسنگ سبأپسیز سوُلیا.
نالاچ ادهیین دونیأده یاشایاس و آدام پاخئر،
واخ اؤزونگ بیلیأنگ.
نأتسنگم آدام دوُستلوق باباتدا إجِزلیک ادیأ، إدیل یارادئلشی یالی.
یؤنه کیتاپ بیلن غالام یانئنگدادئ مئدام؛
بیز اونوتساغام سن یادلاردئنگ، بیلیأن-له!،
و اوُنگوشیادی گولر کشبینگ کأته دوُست گؤزونه دوشنده کؤچأنینگ بیمازا اوغروندا.
اؤیده یاتئرقانگ اوُلاری همم «اوُل… نأخیلی سالئملاری» یادئنگا دوشورنگده ؛ «گؤر آداملار تیز اونودیالار!» دییِنسینگ باشئنگی یایقاپ. باغلایان باغ سوولانیپ- إکلهنیپ دورمایان یالی و شیدیپ آرا آچیلیبریأنه اوُغوشیا
و بوُلماز ایش بوُلاندا خئرچئنی دیشلیأ آدام اوُغلئ غئنانچلی باشئنی یایقاپ! دییرسینگ عؤمور دینگه اؤکونچ اوچین بریلن یالی!
بیلیأرمینگ سن إنتأک یاشامالئدئنگ!
نأتجک آدام اوُغلئ اوچین تاغدئر گیتمِیأ ایسلندیک اوغرا و ماتاملئ گونلرم دوُغیا مانگلایئنگدان
و شوُندا «دوُستلوق» دییِن باغ، سیلترلهیأر سنی.
من،
سن و دوُستلوق بارادا اوُیلانمالئدئرئن اؤیدیأن
ادیل، آدام اوُغلونئ ایچگین تاناپ بوُلمایان بوُلسا، شوُنچا-دا دوُستلوق دییِن حاقئقاتام مونگ دورلی خأصییتلی،
کأ بویسانیاسئنگ بیرک-بیرگه و کأ اونودیاسئنگ، اونودئلیاسئنگام شوُنگ یالئ.
دوُستلار سن خاقدا یازا بیلر یؤنه؛
غوُلئ غالاملئدئنگ و غالامئنگ بیان ادیأر سنی.
من بیر زادئ خاقئقاتئنگ خاطئراسئنا آیداسئم گلیأ، اوُدا سنینگ اینگ سؤیگولی دوُستونگ غالامئنگلئغئ. نأموچین دییسنگ اوُل مئدام غوُلونگدا، یا غوُل یترینگدهدی.
واخ، آداملار کویسأنگده گلأیهنوُق-لا!
غوُی یازغئم آدام اوُغلونئنگ اجیزلیگی خاقدادئر اؤیتسین اوُقان، اشیدن.
اوُل خؤکمان شیلهدیر و من
و بیز شوُل گچن گونلرینگ آخمئرئندا اوُیا باتیاس،
اؤکونچلی.
چونکی غایتالانمایار عؤمور
و غایتالانمایار خیچ زات.
یاتان یرینگ یاغتئ بوُلسون!
6/6/93 عبدالقهّار صوفی راد 
*****
منبع : مارقوش ترکمن صحرا
www.margush.ir
