1394-نجی هجری شمسی ییلی‌نینگ نوروز بایرامی اهلی دنیا خلقلارینا قوتلی و مبارک بولسون
نوروز حاقیندا مختومقلی فراغی سؤزلوگی 2-نجی توم کتابی‌نینگ 592-نجی صاخیپاسیندا شیله سؤزلر بار: نوروز سؤزی فارس سؤزوندن آلینان سؤز تأزه گون ایرانلی‌لارینگ تأزه ییل‌نینگ بیرینجی گونی «گیجه- گوندیزینگ دنگلشیأن گونی » نوروز بایرامی 22-21 مارتا قابات گلیأر.
ایراندا نوروز گونی بایرام ادیلیأر، بو بایرام اؤرأن قدیمی دوورلردن بأری اسلام‌دان اؤنگ دوام ادیپ گلیأر. قدیم اییام‌لاردا نوروز یاز آیلاریندا بِلله‌نیلمأن توموس‌دا 22-نجی اییوندا یاغنی تیر آیی‌نینگ بیرینجی گونی بِلّه‌نیلیپ‌دیر نوروز بایرامی باشقه‌دا انچه‌مه خلقلار طرافیندان توتولیار.
دیدینگ اؤت‌سین قیش تاپار من تأزه نوروز دان سنی. فراغی :
گلسه نوروز عألمه رنگ قیلار جهان پیدا ابرلر اوواز اوروپ داغ قیلار دومان پیدا- فراغی
نوروز بایرامی بیزینگ جمهوری اسلامی یوردیمیزده دیسنگ قاوی و اونگات صوراتدا گچیریلیأر آداملار بیربیرینه قوتلاغ سؤزونی ایبرمک بیلن چأکلنمأن بیر دسته گل بیلن یوریته اؤیه باریپ قوتلایارلار و سؤیجی- سؤیجی آرزوولار ایندیکی گلجک ییل‌لاری الله تغالی دان دیله‌یأرلر.
نوروز بایرامی ایران، ترکمنستان، افغانستان، ازبکستان، تاجیکستان و بیله‌کی اونلارچه دولت‌لرده اولی دابارا بیلن بایرام توتولیار. ترکمنستان پرزیدنتی حورماتلی قربانقلی بردی مخمّدینگ فرمانی بویونچا 1392-نجی هجری شمسی «2013-نجی میلادی» ییلدا ترکمنستان دولتی نوروز بایرامینی 70 ییلدان سونگ گورلیپ اشدیلمدیک درجه‌ده بِللأپ گشدی سبأبی دنیانینگ اهلی یورت‌لریندن پرزیدنت‌لر قادناشیپ شول ساندان حورماتلی پرزیدنتی میز دکتر محمود احمد نژاد هم قادناشدی
ایندی ترکمن دولتی نوروز بایرامینی هر ییلدا توی –بایرام بیلن گچیریأر. ترکمنستان دولتینده دینگه بیر عشق آباد شهرینده دألده ایسم ترکمنینگ اهلی شهرلرینده شاغالانگلی-شادلیق‌لی، آیدیم-ساز و گؤره‌ش ،یاریش ،آط چاپغی و باشغادا شولار یالی شادیان اونلارچا دأپ-دستورلارمیز گچیریلیأر. باهار بایرامی گلنده دینگه بلبل‌لر دألده شاهیرلار هم جوشا گلیأر.طبیغات شاهیری گلدی بأشی-دن بیر قوشغی:
اوز اِیلأر
سؤزلری گلدی بأشی سازي آتا آبلی
باهار گلسه گول آچیلار باغلاردا
گول عشقینا شیدا بلبل ساز ایلأر
مرگن لر مسگنی قوجا داغلاردا
صبا، یِلی اؤسر- اؤسمز نأز ایلأر
باهار گلسه جـوشه گلر بـولاقلار
کناریندا یـاشیل اِوسر قیـیاقلار
گونه سلام بــرر آق کـؤمه‌لک‌لر
چیگیلدم لأله‌سین آچارکؤز ایلأر
باهارگلسه قـوچـار بلندی -پسی
کوکه‌شر برق اورارگوللرینگ ایسی
آسماندا یانگلانار قوشلارینگ سسی
باغشی دوتار چالار خوش اوواز اِیلأر
باهار گلسه سایرار شاهیرینگ دیلی
عاشق مغشوقینا بـاغش اِدر گولی
دوستلاریم باهار هم گؤزل‌دیر ولی
یر گورکینی انسـان بـزأر اوز ایلأر(1)
تاییارلان آماندوردی نساری 3/1/94
