مارقوش تورکمن صحرا: ترکمنستاندا میراثا صارپا قویماق واطانی اؤز اؤزگرتمک ییلی شانلی واقعالارا، خوش خبرلارا بسلنیأر. ترکمنستانینگ هر بیر رایاتی بو ییلی اولی اؤستونلیک‌لره بسله‌مأگه یوردی اؤزگرتمأگه مناسیپ قوشانت قوشماغی مقصد ادینیأر.ترکمنستانینگ پرزیدنتی بو بابت‌دا تورکمن خلقینا گؤره‌لده مکتبی بولیار. شو ییلینگ 29-نجی یانواریندا ترکمنستانینگ منیسترلر کابینتی‌نینگ نوبات‌داکی مجلسینده ملّی لیدر قربانقلی بردی محمّد اوف انچمه ییل‌لارینگ دوامیندا تورکمن خلقی‌نینگ روحی مدنیتی‌نینگ دورلی چشمه‌لریندن مغلومات‌لاری توپلاندیغی و حاضر ترکمنستانینگ علم‌لار آکادمیاسی‌نینگ ملّی قولیامالار دانشگاه‌سی‌نینگ ایشگأرلری طاراپیندان تخنیکی تایدان ایشله‌نیپ تاییارلانان «پایخاص چشمه‌سی» کتابی‌نینگ نشر ادیلندیگینی خبر بریأر. ترکمنستانینگ پرزیدنتی «پایخاص چشمه‌سی» آدلی کتابیندا تورکمن خلق نقل‌لاری‌نینگ اولی توپلومی یرلشدیریلیپ‌دیر.
اول «قالبا-اینام، گؤنگله ایلخام» سؤز باشلی گیریشدن همده «واطانچیلیق و قهرمانچیلیق ایندولری» « ادب تربیه و خلق ایندولر» « علم- بیلم و هنأر اوویت‌لری» «دورموشی فلسفه‌لر» «طبیغات و زحمت حاقیندا» آدلی بأش بوؤلیم دن عبارت‌دیر. دنیأ نوسخالیق مدنی-روحی قیمّاتلیق‌لاری دؤره‌دن تورکمن خلقی‌نینگ ملّی میراثینا علم-بیلیمینگ چشمه‌سی بولان کتابا آیراتین اورون دگیشلی‌دیر «کتاپ– اؤسیش‌لره یتریأن کامل‌لیگه ایترگی بریأن گؤیچ‌دیر. تورکمنده «سؤزی پایخاص بزأر، سازی-صونغات» دیین عاجاییپ نقل بار تورکمن خلقی اهلی دوورلرده دانالارینگ– پاراساتلی سؤزلرینه،آتا-بابالارینگ اوویت ایندولرینه اولی صارپا قویوپ‌دیر.
خلق دؤره‌دیجیلیک اثرلری ملّی دؤره‌یشی تاریخی بیلن یاشیتداش‌دیر. انسان ایرکی دوورلردن بأری اؤز گؤنگل ماطلابینی و آرزووینی فهم پاراستینی یؤنه‌کی خلق شغریتی‌نینگ آیدیم‌دیر ساناواچلارینگ نقل‌لارینگ اؤستی بیلن بیان اتمگی باشاریپ‌دیر. نقل‌لاردا انچمه نسل‌لرینگ دورلی تجربه‌سی خلقینگ پاراساتلی فکرلری دورموش یؤره‌لگه‌لری‌دیر. آنیق چؤزگیت‌لر قیمّاتلی مصلحت‌لار اؤز بیانینی تاپیار. نقل‌لار عقل-پایخاص-چشمه‌سی حساپ‌لانیلیار.
«پایخاص چشمه‌سی» کتابیندأکی نقل‌لاری اوقانگدا اولارینگ تورکمن خلقی‌نینگ ملّی حأصیت‌لرینی، ملّی سیپات‌لارینی زحمته بولان سؤیگی‌سینی آغزی بیرلیگه دوست- دوغانلیغا قوییان صارپاسینی آیدینگ بیان اتیأندیگی حاقینداقی همده اولارینگ دؤره‌یش چشمه‌سی و مانی آنگلادیش اوصولی دوغورسینداقی فکرلره گمراه بولارسینگ.
ترکمنستانینگ حورماتلی پرزیدنتی‌نینگ اخلاصی سینگن «پایخاص چشمه‌سی» آدلی کتابا تورکمن‌خلق نقل‌لاری‌نینگ اولی‌توپلومی‌نینگ یرلشدیری‌لندیگی اولارینگ آیر-آیری اوغورلار بویونچا بؤلیم‌لرده گتیریلمگی سؤزه صارپا قوییان هر بیرآدام اوچین اؤرأن اونگایلی، قیمّاتلی قوللانمادیر. بو کتاپ دورلی یاشداکی دورلی‌کاردأکی‌آداملار اوچین عقل-پایخاص چشمه‌سی‌دیر.
ایران‌خطینا گچیردی آماندوردی نساری 94/11/25هجری شمسی ییل
