مقالات- مارقوش: کتاپ انسانینگ آیریلماز همراسی، یول گؤرکزیجی شام چراغی‌دیر کتاپ آتا-بابالارمیزینگ دوردانه پایخاصینی عصرلاردان-عصرلارا آشیریپ گلجک‌کی نسل‌لره یتیریأن اؤز بولوشلی کؤپری بولوپ خذمت اتیأر.کتاپ اماسیز بایلیغی، عقل-پایخاصی اؤزینده جمله‌یأن قیمّاتلیق‌دیر. آیدینگ دورموشا روحلاندیریان شام چراغدیر عقلدار کتابی آدامزاد بیلیم‌لری‌نینگ گؤییجی‌نینگ ،مدنیتی‌نینگ و ادب-تربیه‌سینینگ چشمه‌سی ساییارلار. کؤپ اوقان آدامینگ سوادلیلیق درجه‌سی‌نینگ یوقاری بولوپ،بیلیم بنیادی‌نینگ پوغتادیغینی نیغتایارلار. انسان کتابی اوقاپ یاقین دوستینی گؤرن یالی بولیار. عقلدار شاهیریمیز مختومقلی فراغی « کتاپ اوقان قول‌لار ماغنیدان دوقدیر» دییمک بیلن کتابینگ انسان دورموشینداکی اهمیتینی بیان اتیأر. میراثا صارپا قویماق ،واطانی اؤزگرتمک ییلیندا شانلی غاراشسیزلیغیمیزینگ 25 ییللیق بایرامینینگ اؤنگی سیراسیندا پرزیدنتیمیزینگ «پاراخاتچیلیق سازی، دوستلیق، دوغانلیق، سازی» دیین عاجاییپ اثری‌نینگ الیمیزه قاووشماغی بیزینگ قالبیمیزدا اؤز بولوشلی دوییغینی، آیراتین بویسانجی دؤره‌تدی.
تورکمنستانینگ پرزیدنتی‌نینگ اثرلری یاشلار اوچین خاص آیراتین قیمّات‌لی‌دیر. بو عاجاییپ نشرلر گوررینگ‌سیز صورات‌دا جمیغتی‌میزینگ قیمّاتلی بایلیغی‌دیر. تورکمن مدنیتی‌نینگ کؤپ اووشگین‌لی و کؤپ گؤرنیشلی طاراپ‌لارینی اینچه‌دن چیقارماغا قوواتلی ائترگی بریأر.
بو قیمّاتلی کتابدا تؤرکمنستانینگ باشلیغی ایلینگ فهم‌لی پاراسادی‌نینگ پایخاصی‌نینگ پاراخات یاشایش بیلن باغلیلق‌دا اهمیتی دوغریسیندا سؤز آچیار.
19-نجی 20-نجی عصرینگ سپگیدینده یاشاپ گچن مشهور تؤرکمن سازانداسی شوکور باغشی‌نینگ کشبی‌نینگ اؤستی بیلن خلقیمیزینگ ملّی داپ-دستورلاری‌نینگ یول یؤره‌لگه‌لری‌نینگ پاراخاتچیلیق سوییجی‌لیگینه یوغریلاندیغی بارادا دوروپ گچیأر.
بو کتاپدا سازینگ جادیلایجی گویجی، قدراتی اؤز بولوشلی بیان ادیلیأر. ساز آدامینگ روخینی تمیزلأپ قالبیندا گؤزللیک دوییغی‌سینی دوره‌تیأر. آیدیم-ساز آتا-بابالارمیزدان میراث قالان قیمّاتلی خزینادیر. آیدیمینگ و سازینگ جادیلایجی گویجی آرقالی آداملار بیرک-بیرک بیلن خاصدا یاقینلاشیارلار همده اؤز آرا دوشنیشیأرلر آیدیم-ساز روخی اؤسیش‌لره یتیریأن کامللیگه ائترگی بریأین گؤیچ‌دیر.
ایران خطینا گچیردی آماندوردی نساری 95/7/13
