کرن‌ینگ سایتیندان آلیندی:
گچن چهارشنبه گونی کلاله شهرنینگ گرکز اوباسیندا بیگ دانا شاهیریمیز مختومقلی فراغی‌نینگ 281 نجی دوغیلان ییل دونیم داباراسی بولوپ گچدی.
بو دابارا گلستان استانی‌نینگ همه شهرلریندن مهمان‌لار گلدیلر. تربت جام –جرگلان ترکمن‌لریندن همده ترکمنستان و ترکیه یورت‌لاریندن هم مهمان‌لار گلیپ قوشولدیلار.
بو شانلی تویی گچیرمأگه گرکز اوباسی‌نینگ شوراسی، دهیاری و انچمه ادبیات سؤییان ایلاتی ال اله بریپ تاییارلیق گوروپ‌دیرلر.
اوبا شوراسی‌نینگ باشلیغی پاراخات برزین شیله دیدی؛
هر ییل اردیبهشت آیی‌نینگ سونگقی پنجشنبه گونی بوتین ایلات شاهیرلار ، یازیجی‌لار و ادبیات سویییان‌لار آق توقای‌دا مختومقلی فراغی‌نینگ ابدی مکانی‌نینگ یانیندا قوشغی آغشامی گچیریلیار، گرکز اوباسیندا هم شوندان بیر گون اؤوینچأ شیله بیر دابارا گچیریلجگ دیییپ آیتدی.
بو گونکی دابارا قاتناشیپ شاهیرلار: ملاتأجی ایزدی-جبارقلی مارامایی-صفا باخانی- طواق خدمتگزار-کریم گلدی قربانی‌فر و باشغالار قوشغی اوقیدیلار و تویتیکچی: اراز جانی تویتیک چالیپ یانیندا مردقلی حیدری‌خواه آیدیم آیتدی.
گرکز اوباسی‌نینگ بییک شخصیتی اؤزیندن 18 سانی شاگرد چیقاریپ ترکمن صحراسی دألده بوتین دنیا ترکمن‌لرینگ آراسیندا آد قازانان باغشی‌سی؛ عاشرگلدی گرکزی چاری بایندرینگ قیجاغنینگ قارشی‌سیندا بیر نأچه آیدیم آیتدی.
گنبدینگ مختومقلی آدین گوتریان آیدیم ساز توپاری باغشی رحیم آتانینگ یولباشچی‌لیغیندا ساز صونغاتینگ اوستادی حمید وجدانی‌نینگ آرقالاشماغی بیلن 5 آیدیم یرینه یتیردیلر.
نوای صحرا آدلی گلستانینگ ذکر توفاری هم عجایب ذکر چکدیلر.
ناصر بردی زاده اورگ بیلن فراغا باغیشلاب ایکی سانی آیدیم آیتدی.
یاش اوقوچی چاغالار مارال برزین-اقبال برزین-تاج بی بی دهدار فراغی نینگ غوشغی سیندان سویجی لابیز بیلن اوقیب بردیلر.
4 یاشلی چاغاجیق (شاهیر آمان محمد قزاقی) نینگ اوغولجیغی مختومقلی فراغی دان بیر ایکی بولک غوشغی اوقیب اوتیرانلاری حیرانا غالدیردی.
اراز گل گلجمیز بولسه قدیم ترکمن قوپوزینی چالیب اونینگ آوازی اوتیران معرکا آیراتین یانگ سالدی.
دولت مامد آزادی نینگ آلتینجی نبیره سی بولان عبا ایشان هم بو دابارانی توتانلارا آرمانگ دیمگ بیلن مختومقلی فراغی نینگ شخصیتی بارادا واونینگ غوشغیلارنینگ آدامزادی آغزی بیرلیگه ومهربانلیغا چاغیریانینا اشارات ادیب شاهیرلارینگ بیریندن بیر غوشغی اوقاب سوزینی سونگلادی.
دابارانگ آخیریندا گرکزینگ ایل اوغلی ادیب اولالدان عالیم یازیجی سی عطانظر برزین دن منتدارلیق بیلدیریب اوبانینگ شورا دیر دهیاری آیراتین بیر حالات بیلن سیلاغلادیلار.
عاشرمحمد رئوفی خبرچی
خلیفه بخشی عاشرگلدی گرکزی بیلن چاری بایندری
پاراخت برزین اوبا شورانینگ باشلیغی
دولت مامد آزادی نینگ آلتینجی نبیره سی عبا ایشان جرگلاندان
یازیجی عبدالرحمن قزلجه
طواق خدمتگزار بیلن اورازگل دایزا
مهمان‌لارینگ صوراتی
