عثمانلی تاریخی‌نینگ مهم حکمدارلاریندان بیری هم سلیم سلطان‌دیر.
یوووز سلطان سلیم آدی بیلن تانالیان بو بییک تورکمن حکمداری 1512-نجی ییلدا عثمانلی دولتینده تاختا چیقدی.
اول صفوی حکمداری شاه اسماعیلینگ آنادولیدا شیعه‌لیک مذهبی‌نی یایراتماق اوچین ادیأن ایشلرینینگ اؤنونی آلماق مقصدی بیلن 1514-نجی ییلدا ایران یؤریشه چیقدی. شول ییلینگ اوگوست آییندا بولوپ گچن چالدیران سؤوه‌شینده (ساواشیندا) عثمانلی دولتی اولی بیر ینگیش قازاندی. بو سؤوه‌شدن سونگرا شاه اسماعیل قایدیپ عثمانلی دولتینه قولایلاشیپ بیلمأندیر. یووز سلطان سلیم 1516-نجی ییلداقی مرجیدابیق وه 1517-نجی ییلداقی ریدانیه سؤوه‌شلرینده مملوکلره قارشی تاریخی اهمیت‌لی ینگیش‌لر قازاندی. بو ینگیشلرینگ نتیجه‌سینده مملوک دولتی ییقیلدی وه موسور (مصر) عثمانلی دولتینینگ حوکیمیه‌تینه گیردی.
یووز سلطان سلیم امپراتورلیغی ساقلاماق اوچین دینگه بیر قوری یرده دأل-ده ایسم دنگیزده هم گؤیچ‌لی بولمالی‌دیغینا قووی دوشونیأردی. سلطانینگ امری بیلن 1518-نجی ییلدا استانبول‌دا گأمی قورماق وه اونگارماق اوچین یؤریته یرینگ آچیلماغی بیلن عثمانلی تورکمن دولتی دنگیزده هم گویجینی گؤرکزمأگه باشلادی.
عثمانلی دولتینینگ بو بییک سلطانی 1520-نجی ییلدا 51 یاشیندا ایکی اوزینینگ آراسینا چیقان چیبان سبأپ‌لی یوغالدی. یووز سلطان سلیمینگ قبوری استانبول‌دا-دیر.
چشمه‌سی: تورکمنستان قوللانما سایتی
تورکمن یازوسینا گچیرن: یاشار نیازی
منبع: مارقوش ترکمن صحرا / دایرة‌المعارف جامع ترکمن‌های جهان
www.margush.ir
استفاده و دریافت مطالب با درج منبع مانعی ندارد.
