بیرلشن ملتلر قوراماسینینگ باشلیغینینگ تورکمنستانا ساپاری تاماملاندی
تورکمنستان خبرلاری – تورکمننیوز – ۲۰۱۷ ییلینینگ، جون آیینگ اون دؤردینجی گونی عشق آباتدا تورکمنستانینگ پرزیدنتی بیلن بیرلشن ملتلر قوراماسینینگ باشلیغینینگ آراسیندا گچیریلن گپلهشیکلر اولی اوستونلیگه ایه بولدی.
دونیأ تورکمنلرینینگ خبر آژانسینینگ آیتماغیندا، اولار اوچونجی مونگ ییل لیغینگ أهلی عمومی مقصدلارینی قازانماقدا توتوش آدامزادینگ دورنوقلی اؤسیشینی اوپجون اتمکده اؤز-آرا قیزیقلانما بیلن اؤسیأن خیذماتداشلیغینگ اولی ممکینچیلیکلرینی تصدیقلادی.
تورکمنستانینگ پرزیدنتی قربانقلی بردی محمدوف بیرلشن ملتلر قوراماسی نینگ یولباشچیسینی اوغراتماق اوچین عشق آبادینگ خلق آرا هوا منزلینه (فرودگاه ملی) گلدی.
بو یرده چایی باشندا قیسغا وقتلیق صحبتدشلیک بولدی. حورماتلی پرزیدنت حأضرکی دؤورینگ مهم مسئلهلری بویونچا آیراتین-دا پاراخاتچیلیغی ساقلاماق و أهلی عمومی هووپسیزلیغی اوپجون اتمک خلق آرا ترورچیلیغینا و جنایت چیلیغا، آدامزادا هووپ سالیان بیلهکی و همهلره قارشی گؤرهشمک ایشینده قاراییشلارینگ دولی قابات گلیأندیگینی بللهدی.
بیرلشن ملتلر قوراماسینینگ باشلیغی دورنوقلی اؤسیشینگ مقصدلارینی قازانماقدا تورکمنستانینگ اولی اوستونلیکلرینی قاناغاتلانما بیلن بللأپ، تورکمن تاراپینینگ خلق-آرا باشلانغیچلارینینگ، اؤز ایلالاشدیریجیلیق و دؤرهدیجیلیک قوواتینی أهلی-عمومی بأهبیدینگ خاطیراسینا عملا آشیرماغا چالیشیان تورکمنستانینگ گون سایین آرتیان خلق-آرا آبراینینگ اهمییتینی بللهدی.
سونگرا تورکمنستانینگ دؤولت باش توتانی و بلندمرتبهلی میخمان نظاما دوزیلن حورمات قاراولنینگ عسگرلرینینگ خاطارینینگ اؤنگوندأکی هالی دوشهلن یوداجیق بیلن اوچارینگ (هواپیما) یانینا باردیلار.
بلندمرتبهلی میخمان تورکمن توپراغیندا بیلدیریلن میخمان سؤیرلیک اوچین ینه-ده بیر یولا خوشحال لیق بیلدیریپ ، اوچارا موندی و عشق آباددان اوغرادی.
ایران خطینا گچیرنلر:
یوسف ایشان نورتقانی
شاه محمد نساری