بییک یوپک یولینینگ اوغری بیلن
مارقوش- اخبار ترکمنستان: چین- قزاقستان- ترکمنستان- ایران اوغری بویونچا حرکته گیریزیلن ایلکینجی سیناغ یوک قطاری ترکمنستانینگ مرز یاقاسیندا اوتلی دورالغاسینا گلدی. سونگرا بو یردن برکت شهرینه اوغرادی.سونگرا ترکمنستاندان سرخس دمیر یولینینگ اوستی بیلن ایرانا گچیپ گیتدی. سیناو قاتناوی بو تاصلاما قاتناشیان یورتلرینگ هر بیرینده دمیر یول آرقالی همده یوکلری قادالاشدیرماق اوچین بیر ناچه ایش دوزگونلرینی گیریزمأگه گؤنیکدیریلندیر. شو ییلینگ دی آیینینگ آخرلاریندا چین خلق آرا رسپوبلیکاسینینگ ایری صنعت مرکزلرینینگ بیری بولان چجسیان ولایتینینگ ایو شهریندن بادالغا آلان دمیر یول دوزومی سینزیان اؤیغور آتانوم اطرافینینگ گچیریش بؤلیمیندن گچیپ بأش گونینگ دوامیندا 4مونگ 941 کیلومتر یولی سونگرا بولسا 4 دؤرت گونینگ دوامیندا قزاقستان چأگیندن گچیپ ترکمنستانینگ سرحتینهچنلی اؤچ مونگ 427 کیلومتر یولیآشدی.
بو ترانزیت یولینگ تورکمن بؤلهگی سرحد یاقا منزیلیندن سرخسهچنلی آرالیغی اؤز ایچینه آلیار. اول بیرمونگ 156 کیلومتره برابر بولوپ اوتلی بو آرالیغی دسلاپقی حسابلارا گؤرأ ایکی گونده گچیأر. ینهده 3 گوندن بو اوتلی ایرانینگ پایتختی تهرانا باریپ یتدی. شیلهلیکده چین- قزاقستان- ترکمنستان- ایران اوغری بیلن عمومی اوزینلیغی 10 مونگ کیلومتره برابر بولوپ اوتلی اونی ایکی هفتأ قولای وقتینگ ایچینده گچیأر. مونینگ اؤزی 30-25 گیجه-گوندیز گرک بولان دنگیز یولوندان ایکی اسسه قیسغا بولوپ دوریار. شیلهلیکده کؤپ دورلی صرف ادیش خریدلار یوکلنن اوتلی یولینگ تورکمن بؤلهگینی گؤز اؤنگونده توتیلان ایکی گیجه-گوندیزینگ یرینه 28 ساعتدا گچمگی باشاردی. یولونگ گچمهلی وقتینینگ قیسغالماغی اولاغ توتوملارینگ همده اپاسلی آزالماغینی آنگلاتیار. یاغنی یولونگ اقتصادی پیدالیلیغی یوقارلانیار. داشاری یورت مطبوغاتینینگ بللیشی یالی چأکلشیأن یورتلرینگ شول ساندان ترکمنستانینگ چأگینده یوک دمیر یولی گوندوغار چیننینگ کنار یاقاسیندان فارس آیلاغینینگ بازارلاریناچنلی یوکلری تیز وقتدا التمگینگ ایلکینجی نتیجهسی بولوپ دوریار. بییک یوپک یولینینگ اوغری بیلن قابات گلیأن بو یوللار اقلیمدا داشاری اقتصادی قاتناشیقلارینگ برکیدیلمگینی اوستی آشیر «ترانزیت » یوک داشالیان یوللارینگ آرتماغینی مدنی و سیاحتچیلیق قاتناشیقلارینینگ گینگلمگینی اوپچین ادر. تاصلاما گون اورتا و گوندوغار اوغورلاردا چین- هندوستان- پاکستان آسیا- یوواش عمّانی منطقهسینینگ «ثبتنینگ» یورتلری یالی قوواتلی اقتصادی مرکزلره چیقالغانی اوپچین اتمأگه گؤنیکدیریلندیر. مونینگ اؤزی اهلی عمومی تازهچیل اؤسیشینگ فکرلری اونینگ اؤسیشینینگ یاختی گلجگینینگ ناظارا آلینماغینی اوغور ادینیأن خذماتداشلیغینگ تازه همده گینگ مُچبرلی گؤرنیشینینگ دؤرهدیلمگینی اوپچین اتیأر. مونگا مثال ادیپ 2014-نجی ییلینگ دکابری آییندا قزاقستان- ترکمنستان- ایران بینالمللی دمیر یول اولغامینینگ آچیلماغی شایدلیق اتیأر. بو اوچ دولتینگ آراسیندا آچیلان بینالمللی دمیر یولی دینگه بیر اقتصادی قاتناشیقلارینگ اؤسدیریلمگینگ چأکلرینده بولمان ایسم ترکمنستان- ایران- قزاقستان یالی قونگشی دولتلرینگ حکومت یولباشچیلارینینگ و خلقلارینینگ دوست-دوغانلیق قاتناشیقلارینی اؤسدیرمأگه همده برکیتمأگه گؤنیکدیریلندیر.
ایران خطینا گچیرن آماندوردی نساری 1394/12/25 هجری شمسی ییل.